दाङ्गमा कुखुरा चोरेको आरोपमा कुटपिट गर्दा एक युवाको ज्यान गयो

दाङ,३० असोज । दाङको देउखुरीमा कुखुरा चोर्न खोजेको आरोपमा कुटपिट गरि एक युवाको हत्या गरिएको छ । राप्ती गाउँपालिका–३ नयाँ बस्ती निवासी १८ बर्षीय नरेश चौधरीको हत्या भएको छ ।

ad

विहिवार बेलुका ८ बजेतिर छिमेकी २५ बर्षीय ओमप्रकाश घर्ती र उनका ६० बर्षीय बुवा खलबहादुर घर्तीको कुटपिटबाट चौधरीको मृत्यु भएको इलाका प्रहरी कार्यालय भालुवाङका प्रमुख प्रहरी निरिक्षक भुवन भट्टले जानकारी दिएका छन् ।

ad

बेलुका ८ बजेतिर कुखुरा कराएपछि घर्ती परिवारले नरेशलाई कुखुरा चोर्न गएको आरोप लगाएपछि चौधरी र घर्ती परिवारको विवाद भएको थियो । बादविवादका क्रममा बाबु छोरा मिलेर हात र लाठीले चौधरीमाथि कुटपिट गरेपछि उनी घाइते भएका थिए ।

ad

घाइते चौधरीलाई उनकी आमाले राति नै घर लगेपनि उपचार हुन नसक्दा बढि रक्तश्रावाका कारण उनको मृत्यु भएको हुन सक्ने प्रहरीले बताएको छ । ‘लाठीको आक्रमणबाट चौधरीको टाउकोलगायतका विभिन्न ठाउँमा चोट लागेको थियो,त्यस मध्यमा टाउकोमा बढि चोक देखिएको छ’–प्रहरी निरिक्षक भट्टले भने–‘कुटपिटका कारण चोटसँगै रक्तश्राव भएर मृत्यु भएको हुन सक्छ ।’

ad

मृतकका परिवारले विहान ५ बजेपछि मात्रै प्रहरीलाई खवर गरेपछि प्रहरी घट्नास्थल पुगेको थियो । चौधरीको शव भने पोष्ट मार्टमका लागि लमही अस्पतालमा लगिएको छ ।चौधरीलाई कुटपिट गरि हत्या गरेको अभियोगमा बाबु छोरालाई प्रहरीले नियन्त्रणमा लिएको छ ।


तपाईंको प्रतिक्रिया

सम्बन्धित समाचारहरु