तिम्रो जस्तै सपना, मेरो छ, डियर

नारायण खड्का

नारायण खड्का (कविता)

ad

भदौ ,१९ ,२०७७

ad
  • तिम्रो जस्तै सपना,

मेरो छ, डियर

ad

आलिसान बंगलामा बस्ने

ad

वरिपरी कम्पाउन्ड वाला

कारमा गुड्ने

कालो सिसावाला।।
खैर, म कुनै औषधी व्यापारी परिनँ

कुनै ठेकेदार पनि परिनँ

नदी खोलाहरु दोहन गर्ने

  • म जग्गा दलाली पनि परिनँ

मेरो क्रसर उद्योग पनि छैन

कुनै दलको नेता वा मन्त्री पनि भइनँ

सरकारले गाडी मोटर किनिदिने

अहिलेका जस्ता जनप्रतिनिधि पनि परिनँ ।।
म बबुरो पत्रकार!

  • सधैँ अक्षरसँगको संगत

खबरसँग साक्षात्कार

त्यसैले कहाँ पाउनु कार

अनि कहाँ हुन्छ, डियर

मेरो बंगला।।

  • तिम्ले कल्पना गरे जस्तो

सुनका सुर्कीले पनि बाँध्न सकिनँ

तिम्लाई जनावर बनाएर

मिनि स्कटमा सजाएर

तिम्लाई रोदी डिस्को र पार्टी प्यालेसहरु लैजान सकिनँ।।


सरी डियर, म बबुरो पत्रकार!

  • म त सधैँ लखर-लखर हिड्छु

वर्षौं भो, यसरी काम गर्न लाको

तर, जागिर र भविष्यको कुनै ग्यारेन्टी छैन

अरु पेशामा जस्तो

न कुनै उपदान

न कुनै पेन्सन।।

  • काम छोडेको दिन रित्तो हात फर्कियो

न सम्पत्तिमा चोर लाग्ला भन्ने टेन्सन

निकै सहज र हलुंगो मृत्यु मर्नु छ।

सुनेको छु,

  • धनीहरुलाई प्राण त्याग्न निकै सकस हुन्छ रे,

अनेक हतकण्डा गरेर थुपारेको सम्पत्तिले

उनीहरुलाई ढुंगाले जस्तै

छातीमा गरुङ्गो बनेर छिच्छ रे।।


त्यसैले मलाई यही जीवन प्यारो छ

सरी डियर, म बबुरो पत्रकार!


तपाईंको प्रतिक्रिया

सम्बन्धित समाचारहरु